طالبة مساعدتكم يا طلبة جامعة الرباط!!

السلام عليكم ورحمة الله وبركاته
أنا مقيمة بالسعودية حاليا وعايزه معلومات مهمة عن إمكانية التحويل لجامعة الرباط (كلية اللغات)، وعندي شهادات إكمال سنة أولى وتانية وتالته من المعهد الإسلامي للترجمة وعملت استقالة منه وماعارفة!! ممكن يقبلوا شهاداتي ويعملوا لي امتحان تقدير مستوى وبعدين ينزلوني السنة اللي بشوفوها ولابعيدوني من البداية الأربعة سنين؟ ولو عايزة أحول أساسا من جامعة لجامعة المفروض أتجه وين بالضبط؟ أمشي لمكتب القبول ولا للجامعة نفسها اللي عايزه أحول ليها؟ومتى بيبدأ التسجيل من داخل الجامعة أو متى تبدأ السنة الدراسية الجديدة لكلية اللغات وأخيرا هل تنصحوني بكلية اللغات في جامعتكم؟ أرجو منكم التجاوب معي معتمدة على الله ثم عليكم، الله يوفقكم أعطوني معلومات دقيقة عشان على أساسها هأسافر وأجي السودان! وأي أحد حاب يساعدني ويكسب الأجر فيني هذا إيميلي للتواصل: rouaa44@yahoo.com وما تنسوا
" كان الله في عون العبد ما دام العبد في عون أخيه " و
" من فرج عن مسلم كربة من كرب الدنيا فرج الله عنه كربة من كرب الآخرة " واللي يساعدني والله لأدعي ليه في الحرم وعد!!

اول حاجة يا رؤي تلمي من كل شر
تاني حاجة علشان تحولي لازم تمشي الجامعة والكلية المعنية خصوصا وتشوفي هم يقررو شنو
لكن انت قلت عملتي استقالة ودا كان اكبر غلط المفروض تطلبي تحويل ومافي زول بيطلب اذن تحويل قبل ما يضمن مكان في الجامعة العاوز يمشي ليها عموما لازم زول يمشي ليك الجامعة ويتابع ليك ولو جيتي براك يكون احسن لكن طالما هو ما تحويل ماااااااااااااا اظن ينزلوك سنة تالتة او تانية واغلب الظن يرجعوك من اولى واله اعلم طبعا اتمنى يتساهلو معاك وربنا يوفقك يا رؤى ويسهل ليك امورك

لو عايزة تجى تدرسى فى جامعة الرباط الوطنى لزم تجى السودان اول حاجة بعدين تعرفى شروط الجامعة اول حاجة عشان تعرفى الوضع بتاع الجامعة